Новости

Дијаспората, ресурс на јавната дипломатија кој треба да се стави во функција на Република Македонија

25 мај 2018

Министерот во Владата на Република Македонија задолжен за дијаспора, Едмонд Адеми денес учествуваше на панел дискусија во рамки на Меѓународната конференција “Дијаспора, дипломатија и развој” организирана од страна на Универзитетскиот колеџ Даблин, Институтот Клинтон.

Министерот Адеми во своето обраќање пред присутните на меѓународната конференција ја истакна важноста на улогата на дијаспората во дипломатијата, и дека и двете денес во време на глобални движења и динамични меѓународни односи, се предодредени да работат заедно во промоција на интересите на Република Македонија и нејзино позначајно позициоирање во меѓународните односи, преку активна јавна дипломатија.

Macedonian

Зајакнување на соработката меѓу Република Македонија и Република Србија во сферата на националните малцинства

22 мај 2018 година

За време на дводневната посета,  министерот задолжен за дијаспора во Владата на Република Македонија, Едмонд Адеми  денес оствари средба со министерот за државна управа и локална самоуправа на Република Србија, Бранко Ружиќ.

При тоа, двајцата министри отворија повеќе актуелни прашања во однос на зајакнување на правата на македонското национално малцинство во Р. Србија и српското национално малцинатво во Р. Македонија, разменувајќи позитивни искуства во двете земји со цел унапредување во наредниот период.

Macedonian

Република Македонија припаѓа во НАТО и Европската Унија

27 април 2018
 
Вчера попладне, министерот во Владата на Република Македонија задолжен за дијаспора, Едмонд Адеми, се сретна со Конгресменот Роберт Адерхолт, член на групата на конгресмени за поддршка на Република Македонија.
 
Министерот Адеми го запозна Конгресменот Адерхолт со неговата работа во областа на дијаспората, и работата на Владата на Република Македонија во целина во изминативе десетина месеци. Исто така, ја истакна посветеноста на Владата за продолжување на реформските процеси со цел влез на Република Македонија во НАТО и Европската Унија. Посветеноста на оваа Влада во реформските процеси е препознаена и од страна на Европската Комисија во последниот извештај, кој резултираше со доделување на чиста препорака за влез на Република Македонија во НАТО и Европската Унија.
Macedonian

Силното стратешко партнерство меѓу Република Македонија и САД продолжува

26 април 2018

Во текот на вчерашниот ден, министерот во Владата на Република Македонија задолжен за дијаспора, Едмонд Адеми, се сретна со висок претставник во Стејт Департментот, Пол Фајфер, во Бирото за Европа и Евроазија. 

Министерот Адеми ја истакна силната заложба на Владата на Република Македонија за воспоставување на институционална соработка со дијаспората и ги запозна домаќините со работата на Владата во однос на актуелните политички прашања, при што ја потврди посветеноста на Република Македонија за влез во НАТО и Европската Унија.

Macedonian

Pages