Придружуван од амбасадорот на Република Северна Македонија во Германија, г. Рамадан Назифи, министерот д-р Џемаил Чупи го посети исламското албанско здружение „Јакуп Асипи“, во Берлин.

Поттикнат од идејата за проширување на програмата за настава по мајчин јазик во дијаспората, за време на престој во Берлин министерот д-р Џемаил Чупи, се сретна со г-ѓа Ана М. Смилевска и г-ѓа Аниса Беќировиќ, двете наставнички за дополнителна настава на мајчин јазик.

Во Минхен, во седиштето на најстарата организација на Европската заедница, Пан-Европска Унија , министерот д-р Џемаил Чупи, се сретна со претседателот на Унијата (германската огранка),  г-дин Бернд Поселт кој беше пратеник во Европскиот парламент од 1994 до 2014 година и голем подржувач на нашата земја во процесот на добивање датум за започнување на преговорите со ЕУ. Информираше за развојот на војната во Украина и притоа изрази стравување дека крајот на војната во Украина не е на повидок и дека кризата може да се прошири и на други држави.

Во градот Минхен, министерот д-р Џемаил Чупи го посети Албанскиот исламски центар „Балкан“, каде беше примен од претседателството на овој центар на чело со г. Бајрам Бајрактари. На оваа средба начелно се разговараше за проблемите со кои се соочува нашата заедница каде акцентот беше ставен на недостигот на настава на албански јазик.