Mинистерот Едмонд Адеми вчера во својство на претседател на Националната Комисија за УНЕСКО, оствари работни средби со министерката за култура, Елва Маргарити и министерот за животна средина, Бленди Клоси во Тирана, Република Албанија.

“Стерjо Спасе е пример за сите нас кои живееме на Балканот. Фигурата на Спасе треба да биде пример за сите нас, за тоа дека соработката на културите е неопходна, секогаш тргнувајќи од гледиштето на човечноста, интелектуализмот и уметноста”- рече министерот без ресор задолжен за Дијаспората Едмонд Адеми говорејќи за големиот писател Стерјо Спасе во Корча, Албанија, каде се одбележа 105 години од раѓањето на познатиот писател со македонско потекло.

Се унапредуваат правата на Хрватите во Република Северна Македонија и правата на Македонците во Република Хрватска. Сето ова како резултат на честите меѓувладини состаноци. Ова е заклучокот од средбата на 4-та заедничка Меѓувладина Мешовита Комисија за спроведување на Договорот за заштита на македонското малцинство во Хрватска и хрватското малцинство во Северна Македонија, што се оддржа денеска во Загреб, Хрватска.

Денеска министерот без ресор во Владата на Република Северна Македонија, задолжен за дијаспора Едмонд Адеми потпиша меморандум за соработка со Универзитетот „Св. Кирил и Методиј“ во Скопје, претставен од Ректорот, проф. д-р Никола Јанкуловски.