Во Општина Кичево заедно со градоначалникот г. Фатмир Дехари, министерот задолжен за дијаспора, д-р. Џемаил Чупи го потпиша Договорот за соработка во областа на дијаспората.
Отворањето на Центарот за дијаспора во Општина Кичево има голема важност и тежина за жителите на оваа општина кои живеат и работат во странство. Преку овој центар на нив ќе им се овозможи полесен пристап до потребните информации, како и ќе им се даваат дополнителни упатства за нивните права и обврски во соодветни постапки пред надлежните органи за време на нивниот престој во матичната земја.
Со овој договор се подигнува нивото на комуникација помеѓу централната и локалната власт со граѓаните од дијаспората, со цел враќање на нивната доверба во државните институции.
На овој настан присуствуваше и г-ѓа. Албулена Демири Зендели, директорка на Центар за култура „Кочо Рацин„ во Кичево.