Денес во склоп на  три дневната  официјална посета на Романија, министерот задолжен за дијаспора, Едмонд Адеми, оствари средба со министерката за романците во странство, Наталиа Елена Интотеро. 

Главна цел на разговорите беше воспоставување на плодна соработка меѓу двете држави во областа на дијаспората и размена на искуства меѓу експертските групи, во реализацијата на добрите практики во оваа област во земјите на ЕУ и земјите од нашиот регион.

Во присуство на високи претставници на романските државни институции, сенатори, претаници, претставници на Друштвото на македоците во Романија и други поканети гости,  претставници на други национални малцинства, заедно со македонската делегација предводена од министерот во Владата на Република Македонија задолжен за дијаспора, Едмонд Адеми се праслави „Денот на Македонскиот јазик во Романија“,  во просториите на Дипломатскиот клуб во Букурешт.

На првиот ден од официјалната посета на Министерот задолжен за дијаспора Едмонд Адеми на Романија, придружуван од Директорот на Агенцијата за Иселеништво Никола Шалварниов, оствари средби со Мариана Венера Попеску, пратеник на Македонската заедница во Романскиот парламент, и со министерот за култура и национален идентите на Романија Валер Даниел Бреаз.

Министерот во Владата на Република Македонија задолжен за дијаспората, г. Едмонд Адеми, во придружба на директорот на Агенцијата за иселеништво на Република Македонија, Никола Шалваринов, од 07 до 10 декември 2018 година ќе реализираат официјална посета на Романија.