Në ambientet e departamentit për promovimin e zhvillimit integral njerëzor në Vatikan, institucion ky i themeluar nga vet Papa, u realizua takim me  At Fabio Baggio, nënsekretar i Kishës Katolike për emigrantët dhe refugjatët.

Vizitа e punës në Republikën e Italisë, filloi me takimin që u zhvillua në ambientet e Ministrisë së Punëve të Jashtme të Republikës së Italisë në Romë, me zv. Drejtorin e përgjithshëm të Drejtorisë për diasporë dhe për politikat e migracionit, z. Roberto Martini. 
Në takim u theksua rëndësia e përfshirjes aktive në fusha të ndryshme të jetës shoqërore të diasporës sonë në Itali, e cila sipas të dhënave tregon një numër që nuk është për t'u neglizhuar, pra mbi 63 mijë.

Takimi me përfaqësues të Partisë Demokratike përgjegjës për bashkëpunimin në fushën e diasporës, deputeti z. Kreshnik Çollaku, nënkryetar i Nënkomisionit për Diasporën dhe anëtar i Komisionit të Politikës së Jashtme, së bashku me znj. Orjola Pampuri, zëdhënëse e Grupit Parlamentar të Partisë Demokratike.
Në takim vëmendje e veçantë iu kushtua çështjeve nga diaspora, rëndësia e thellimit të koordinimit ndërinstitucional ndërmjet vendeve të Ballkanit Perëndimor për diasporën pan-shqiptare. 

Takimi me përfaqësues të Partisë Socialiste të Shqipërisë për çështjet e diasporës, deputeti z. Lavdrim Krashii dhe zv.ministrja e Brendshme znj.Romina Kuko, u realizua në ambientet e selisë së PS në Tiranë.
Ministri Çupi në takim theksoi se avancimi i të drejtave të diasporës duhet të jetë angazhimi ynë i përbashkët, për të cilin qeveritë e dy vendeve po marrin masa të shumta në këtë drejtim. Gjithashtu e rëndësishme është që Memorandumi i Bashkëpunimit në fushën e diasporës tashmë i nënshkruar ndërmjet dy vendeve, që të ratifikohet sa më shpejt nga parlamentet e Republikës së Shqipërisë dhe Republikës së Maqedonisë së Veriut.