Националната стратегија за дијаспората предвидува соработка со локалната самоуправа, затоа денеска Министерот без ресор - задолжен за дијаспора, одржи работна средба во општина Дебар, каде што беше примен од нејзиниот градоначалник г. Хекуран Дука. Дебарската дијаспора, со посебен акцент на Америка и Европа, поради големиот број иселеници заслужува максимална посветеност. За да се постигне тоа бара многу работа и посветеност од сите страни, без разлика на политичките убедувања и ставови. 

Министерот Чупи на Градоначалникот му ги презентира проектите на неговиот кабинет во однос на дијаспората и за среќа постигнавме разбирање за создавање работни групи до финализирање на заедничките проекти. Меѓу нив:
1. Отворање на канцеларија за соработка со дијаспората наречена „Центар на дијаспора“. Оваа канцеларија ќе има одредени обврски, но најважните се овие:
A. „One Stop Shop“, односно информирање на дијаспората за нивните права во татковината и нивната можност за инвестирање.
Б. „Асистенција за дијаспората“, односно можност за побрзи и поефикасни услуги за административни работи во општинската администрација како и во јавните институции.
2. Објавување и одбележување на „Денот на дијаспората“ во годишниот календар на Општината, каде ќе се одржуваат разни културно-спортски и уметнички локални манифестации и активности.
Средби од сличен карактер планирам да одржувам и со други општини во Република Северна Македонија