Почитувана дијаспора!

Ве информирам дека Министерството за култура од понеделник, 17 октомври 2022 година, ќе го отвори електронскиот конкурс за поддршка на проекти од национален интерес во културата за 2023 година.
Во овие рамки, културните друштва кои работат во дијаспората имаат можност да конкурираат со проекти од областа на културата во соработка со секое активно здружение кое работи и е регистрирано во РСМ.
Конкурсот можете да го најдете електронски на https://uslugi.gov.mk/subcategory/kultura-337 каде се објавени сите услови за конкурсот.

Владата на РСМ  се повеќе бара  начини за зајакнување на перспективи за соработка со нашата дијаспората. Германија Италија и Швајцарија се европски држави во кои има најголем број од нив.

Според извештајот на ИОМ за Светска Миграција , РСМ е во топ 20те земји со најголема емиграција. А согласно  податоците на Светската Банка најголем број (60%) на дознаки со странски валути се од Европските земји, односно, Германија  23%, Италија  22%, Швајцарија  11%, Австрија  5%. 

Почитувана дијаспора, граѓани кои живеете надвор од границите на вашата земја!

Имајќи ја предвид вредноста и важноста што ја имате во татковината, ве известуваме дека Министерот задолжен за дијаспора, д-р. Џемаил Чупи, одлучи денот-среда да биде ден посветен на средби со вас, со цел заеднички да се посветиме на прашањата поврзани со дијаспората.