Sot Ministri pa resor – përgjegjës për diasporë Xhemail Çupi, priti në vizitë pune drejtorin e Agjencisë për investime të huaja dhe promovimin e eksportit në Republikën e Maqedonisë së Veriut, z. Bekim Emini. 

Bashkërisht biseduan për rëndësinë e krijimit dhe implementimit të ashtuquajturës “Biznes diaspora”, gjegjësisht bazën e të dhënave për çdo sipërmarrës të suksesshëm në diasporë dhe promovimin e mundësive dhe mbështetjen shtetërore për investimet e tyre në vendlindje.