Ministri Dr. Xhemail Çupi priti në takim pune drejtorin e Drejtorisë për udhëheqjen e Librave Amë, z. Blerim Abazin.
Në takim u diskutua për mënyrën e lehtësimit të dhënies së dokumentacioneve nga ana e Drejtorisë së Librave Amë për qytetarët të cilët jetojnë në diasporë, sidomos gjatë periudhës së verës kur fluksi i mërgimtarëve është më i madh.
Gjithashtu u diskutua që të bëhen reforma të duhura ligjore në vend me qëllim që të harmonizohen me nxjerrjen e dokumentave dixhitale që tashmë aplikohet në botën Perëndimore.
 

Më datë 15.04.2022, u mbajt takimi online i organizuar nga ana e Dhomës së biznesit të diasporës me shoqatat e bizneseve dhe biznesmenëve nga Kosova. Në këtë takim, të këtij prezantimi online i ftuar ishte edhe Ministri pa resor i angazhuar për diasporë, z. Xhemail Çupi, por për shkaqe të agjendës së tij të ngjeshur, mori pjesë këshilltari i jashtëm i ministrit, Sejdi Demiri.
Në prezantimin nga ana e kryesisë të këtij aisociacioni u prezantua një pasqyrë e shkurtë e aktiviteteve të deritanishme, dhe qëllimi kryesorë ishte përfshirja më e gjërë e biznismenëve nga diaspora në këtë dhomë, dhe kyçja e tyre në këtë platformë me qëllim të shkëmbimit të përvojave, propozimeve dhe gjetjen e mundësive për investim në shtetet origjinë.
Interesante për tu cekë nga ky takim ishte edhe propozimi për një iniciativë për formimin e zonave të lira për investim të biznismenëve nga diaspora në vendet e origjinës.
Demiri theksoi se kjo dhomë paraqet një dritare të re për tërheqjen e investimeve të reja nga biznesmen të suksesshëm nga diaspora për të investuar në vendet përkatëse, dhe do të sjellë rezultate për zhvillimin më të madh ekonomik.
 

Në kuadër të plotësimit të Kabinetit të Ministrit të angazhuar për diasporë, Dr. Xhemail Çupi, nga data 01.04.2022 kabinetit tonë iu bashkua ministër këshilltar nga Ministria e Punëve të Jashtme, z. Sejdi Demiri i cili do të angazhohet në sferën e diplomacisë dhe shërbimeve konsullore për diasporë.

Z. Demiri është diplomat karriere me titull “ministër - këshilltar” në Ministrinë e Punëve të Jashtme. Gjatë karrierës së tij ka qenë disa herë në shërbimin diplomatik në disa përfaqësi diplomatike dhe konsullore.

Me qëllim të thellimit të bashkëpunimit dypalësh ndërmjet Republikës së Maqedonisë së Veriut dhe Republikës së Bullgarisë, sot në ambientet e Qeverisë së Republikës së Maqedonisë së Veriut, në kuadër të takimit të përbashkët miqësor ndërmjet Ministrit të angazhuar për diasporë, Dr. Xhemail Çupi dhe Ambasadorit të Republikës së Bullgarisë në Shkup, shkëlqesisë së tij, z. Angel Angelov, u diskutuan tema që kanë të bëjnë kryesisht me diasporat e dy vendeve, rolin dhe ndikimin e tyre në vendet e origjinës por edhe në përgjithësi për të gjitha fushat që janë të rëndësishme në marrëdhëniet bilaterale.