Ministri i angazhuar për Diasporën Edmond Ademi, i shoqëruara nga drejtori i Agjencisë së Migracionit në Republikën e Maqedonisë Nikolla Shalvarinov, sot kishin takim me Presidentin e Republikës së Sllovenisë Borut Pahor dhe me kryetarin e Kuvendit nacional (Drzavni Zbor) të Sllovenisë, Dejan Zhidan. Në këto takime u bisedua edhe për marrëdhëniet bilaterale ndërmjet dy vendeve, zhvillimin e mëtutjeshëm në më shumë fusha me interes të përbashkët, proceset integruese në Republikën e Maqedonisë në BE dhe NATO si dhe për gjendjen aktuale në Republikën e Maqedonisë me theks të veçantë për Marrëveshjen  në mes Republikës së Maqedonisë dhe Republikës së Greqisë dhe mbajtjen e referendumit.

Ministri në Qeverinë e Republikës së Maqedonisë i angazhuar për Diasporën, z. Edmond Ademi nga 11 deri më 17 shtator të vitit 2018, në shoqërimin e drejtorit të Agjencisë së Migracionit, Nikolla Shallvarinov, do të qëndroj në vizitë pune në Republikën e Sllovenisë dhe Republikën e Italisë.

Gjatë vizitës zyrtare  në Republikën e  Sllovenisë, nga 11 deri 13 shtator të vitit 2018, ministri Edmond Ademi, do të realizojë takime zyrtare të nivelit më të lartë,  më 12.09.2018, me presidentin e Republikës së Sllovenisë z. Dejan Zhidan.

Ministri i angazhuar për Diasporën Edmond Ademi, i shoqëruara nga drejtori i Agjencisë së Migracionit Nikolla Shalvarinov, nga 1-4 shtator qëndrojnë në vizitë pune në Berlin dhe Bremen, në Republikën Federale të Gjermanisë.

Kemi përgjegjësi qytetare. Tash është koha të vendosim!

Të nderuar bashkëvendas në diasporë,

Më 30 korrik 2018, Kuvendi i Republikës së Maqedonisë, në bazë të Marrëveshjes së arritur ndërmjet Republikës së Maqedonisë dhe Republikës së Greqisë, solli vendimin për shpalljen e referendumit që do të mbahet më 30 shtator 2018, në të cilin qytetarët do ti përgjigjen pyetjes "A jeni për anëtarësim në BE dhe NATO duke pranuar Marrëveshjen ndërmjet Republikës së Maqedonisë dhe Republikës së Greqisë?".

Qytetarët e Republikës së Maqedonisë që jetojnë dhe punojnë në diasporë do të mund të ushtrojnë të drejtën e tyre të votimit në të gjitha përfaqësitë diplomatike-konsullore të Republikës së Maqedonisë në botë. Qasja në listën zgjedhore mund të kryhet përmes web-faqes të Komisionit  Shtetëror Zgjedhor https://izbirackispisok.gov.mk/dijaspora/