Gjatë ditëve të fundit të qëndrimit në SHBA të Ministrit të angazhuar për Diasporë Dr. Xhemail Çupi, marrë në konsideratë rolin e kulturës në afirmimin e Republikës së Maqedonisë së Veriut jashta vendit, ai vizitoi Qendrën Kulturore Informative në Njujork, roli i së cilës është avancimi i bashkëpunimit në sferën e kulturës te diaspora që jeton në SHBA.

Qendra Kulturore Shqiptaro-Amerikane në Nju Xhersi (Albanian American Cultural Center of Riverdale, NJ)  është një nga organizatat më të mëdha shqiptare në zonën e Nju Jork - Nju Xhersit, kjo pasi përveç funksionimit të shkollës së kompletuar me të gjitha strukturat shkollore dhe parashkollore, ajo posedon edhe një bibliotetë me mbi 100 mijë libra të ndryshme.

Llogaritet se komuniteti dibran është dhjetëra mijëra në SHBA dhe kjo dëshmohet edhe me numrin e madh të qendrave kulturore dhe fetare në diasporën amerikane, andaj këtu theksojmë Qendrën e Komitetit Dibran, organizatë e lokalizuar në Nju Xhersi por ka shtrirje akoma më të gjërë që operon si xhami për qëllime religjioze, humanitare, kulturore dhe arsimore.

Në vazhdën e takimeve të rëndësishme të Ministrit Çupi në Amerikë ishte edhe takimi me komunitetin mysliman nga Komuna e Zhupës. Edhe pse ky komunitet është formuar vitet e fundit, ai përfshin shumë aktivitete, mes tyre shërbimet fetare dhe mësimet fetare për fëmijë në fundjavë.