Gjatë ditëve të fundit të qendrimit të Ministrit të angazhuar për diasporë Dr. Xhemail Çupi në shtetin e Nju Jorkut, marrë në konsiderate ngjarjet e fundit të invazionit ushtarak të Rusisë ndaj Ukrainës, një vizitë domethënëse ishte vizita e tij në Misionin e posaçëm të Republikës së Maqedonisë së Veriut pranë Zyrës së Kombeve të Bashkuara në Nju Jork. 

Në vazhdën e vizitave dhe takimeve me diasporën, ministri i angazhuar për Diasporë, Dr. Xhemail Çupi vizitoi kishën ortodokse maqedone “Shën Nikolla” në shtetin e Nju Xhersit dhe pa nga afër aktivitetet fetare dhe kulturore të kësaj qendre të dalluar për komunitetin ordodoks maqedon.

Ministri përgjegjës për diasporë në Republikës së Maqedonisë së Veriut, Xhemail Çupi, i cili po qëndron për vizitë disa ditore në SHBA, ka realizuar takim me përfaqësues të diasporës shqiptare, veçanti vizitë në selinë e Vatrës në Bronx-New York.
I shoqëruar nga drejtori i Agjencisë për Investime, Bekim Emini, ai dhe kryetari i Shoqatës Atdhetare “Dibra” Dashnor Miftari, morën pjesë në një aktivitet në selinë e Federatës Pan – Shqiptare e Amerikës, VATRA, promovimin e librit “Ambasador i Pushtetit të Butë” të autorit Mal Berisha, ish Ambasador i Shqipërisë në Londer.
 

Ministri i angazhuar për diasporë në Republikën e Maqedonisë së Veriut Dr. Xhemail Çupi, gjatë vizitës disa ditore në Amerikë vizitoi shkollën fillore dhe të mesme islame “Miraxh” që gjendet në qytetin e Staten Island, shkollë kjo e akredituar dhe e njohur nga Departamenti i Arsimit i Nju Jorkut me një kurrikulë të harmonizuar me standardet e shtetit të Nju Jorkut.