31 korrik 2018

Dëshira e disa organizatave që të mbajnë aureolë si një e vetme që përfaqëson të gjithë në diasporë është thjesht e pamundur dhe nuk mund të jetë ashtu, në një situatë ku më shumë se 80 organizata në diasporë në mbarë botën përfaqësojnë interesat e qytetarëve me origjinë nga Republika e Maqedonisë.

Jetojmë në shekullin 21, në një kohë demokratike, një kohë të pluralizmit dhe dallimeve, askush nuk mund ta monopolizojë të vërtetën dhe askush nuk mund ta monopolizojë diasporën.

27 korrik 2018

Dje pasdite, në hapësirat e Qendrës së Kongresit në Ohër, u bë hapja e manifestimit solemn, me rastin e Shkollës Verore për Mësimin e Gjuhës Amtare, e dhjeta me radhë, projekt i Agjencisë së Migracionit të Republikës  së Maqedonisë. Misioni dhe qëllimi kryesor i funksionimit të Agjencisë së Migracionit të Republikës  së Maqedonisë është gjallërimi, ndihma dhe kultivimi i identitetit kombëtar te mërgimtarët, nëpërmjet ruajtjes së gjuhës amtare, kulturës dhe vlerave tradicionale të  mërgimtarëve në vendet ku jetojnë.

09 korrik 2018

Ministri në Qeverinë e Republikës së Maqedonisë për Marrëdhëniet me Diasporën, Edmond Ademi, sot realizoi takim pune me Ambasadorin e Republikës së Italisë në Republikën e Maqedonisë, z. Carlo Romeo.

Ministri Ademi gjatë bisedës së tij gjerësisht informoi bashkëbiseduesin për aktivitetet e Kabinetit të tij rreth Strategjisë Kombëtare dhe shtyllat bazë për bashkëpunimin me diasporën në më shumë fusha të interesit të saj.

Duke pasur parasysh numrin e madh të diasporës me origjinë nga Maqedonia në Itali, u theksua se është një mundësi e mirë për ndërtimin e urave për bashkëpunim në më shumë fusha, kryesisht në ekonominë, kulturën, arsimin dhe investimet.

06 korrik 2018

Dje pasdite, në Operën dhe Baletin e Maqedonisë, Agjencia e Migracionit e Republikës së Maqedonisë në promovim celebrimin prezantoi tre projektet e reja me rëndësi1 të madhe për bashkatdhetarët nga Maqedonia në Diasporë.

Me hartimin e këtij Doracaku për mërgimtarët, Librin me ilustrime për të mësuar gjuhën amtare fëmijët  e  bashkatdhetarëve dhe ueb faqja e re e Agjencisë së Migracionit mundësoi realizimin e nevojave, qëllimeve dhe kërkesave të bashkatdhetarëve në vendet ku jetojnë, punojnë dhe veprojnë të organizuar.