Strategjia shtetërore për diasporë që ka të bëjë me bashkëpunimin në nivel lokal do të shpërndahet paralelisht me të gjitha komunat e Republikës së Maqedonisë së Veriut, andaj sot në një takim pune ministri i angazhuar për diasporë Xhemail Çupi u prit nga Kryetari i Komunës së Gostivarit z.Arben Taravari, ku biseduan dhe u pajtuan se mërgata jonë është ajka e shoqerisë.

Sot, Ministri pa resor – përgjegjës për diasporë, u takua me zëvëndësdrejtorin e Agjencisë për Rini dhe Sport z. Amir Bilalli. Atë e përgëzoi për vullnetin e tij të madh për avancimin e projekteve rinore. Bashkë biseduan për projektet të rëndësishme në sferën e sportit dhe për rininë, e me theks të veçantë tek diaspora jonë.

Strategjia shtetërore për diasporë parasheh bashkëpunime edhe me pushtetin vendor, andaj sot Ministri pa resor - përgjegjës për diasporë, zhvilloi një takim pune në Komunën e Dibrës, me ç’rast u prit nga Kryetari i saj, z. Hekuran Duka. Diaspora dibrane, me theks të veçantë ajo në Amerikë dhe Evropë, për shkak të numrit të madh të mërgimtarëve, meriton përkushtim maksimal. Për të arritur këtë duhet shumë punë dhe angazhim nga të gjitha palët, pavarësisht bindjeve dhe qëndrimeve politike.

Sot Ministri pa resor – përgjegjës për diasporë Xhemail Çupi, priti në vizitë pune drejtorin e Agjencisë për investime të huaja dhe promovimin e eksportit në Republikën e Maqedonisë së Veriut, z. Bekim Emini.