24 janar 2018

Ministrat e Diasporës së Maqedonisë, Shqipërisë dhe Kosovës, z.Edmond Ademi, z.Pandeli Majko dhe z.Dardan Gashi zhvilluan një takim trepalësh në Ohër. Së bashku vlerësuan se bashkëpunimi në fushën e diasporës është i dobishëm dhe një fushë e rëndësishme për thellimin e bashkëpunimit midis tre shteteve në rajon.

Takimi i Ohrit u konsiderua si një fillim i rëndësishëm për të nxitur veprim të përbashkët në forcimin e lidhjeve midis vendeve në kuadër të procesit të integrimit euroatlantik. Ministrat përshëndetën vendimin e fundit të Parlamentit të Maqedonisë për miratimin e Ligjit të gjuhës si një akt që i jep kontribut për bashkëpunim të ngushtë rajonal.

25 nëntor 2017

Më 25 tetor, të mërkurën, Ministri në Qeverinë e Republikës së Maqedonisë, Edmond Ademi, për Marrëdhëniet me Diasporën, realizoi një sërë takimesh në Mbretërinë e Bashkuar.

Ministri Ademi u takua me drejtoreshën për Ballkanin Perëndimor, Fiona McILwham, në të cilën Ministri mori mbështetje të qartë në procesin e realizimit të shumë aktiviteteve dhe zgjidhjen e problemeve në lidhje me çështjen e Diasporës, si dhe fillimin e procesit të përgatitjes së Strategjisë Kombëtare për bashkëpunim me Diasporën.

20 nëntor 2017

Ministri në Qeverinë е Republikës së Maqedonisë, Edmond Ademi, për Marrëdhëniet me Diasporën, sot realizoi takim pune me Ambasadoren e Zvicrës në Republikën e Maqedonisë, znj. Sibil Suter Tehada.

Ministri Edmond Ademi, theksoi që Diaspora e Republikës së Maqedonisë në Zvicër është një segment i rëndësishëm në shoqërinë zvicërane.

 Ambasadorja zvicërane znj. Sibil Suter Tehada, shprehu kënaqësinë e saj të madhe me angazhimin e Kabinetit të Ministrit të Diasporës dhe interesin për krijimin e Strategjisë Kombëtare për bashkëpunim me Diasporën.

18 nëntor 2017

Ministri në Qeverinë е Republikës së Maqedonisë, Edmond Ademi, për Marrëdhëniet me Diasporën, sot realizoi takim pune me Ambasadorin e Izraelit në Republikën e Maqedonisë, z. Dan Oryan.

 Në këtë takim ministri informoi për miratimin e Informacionit për nevojën e hartimit të Strategjisë Kombëtare për bashkëpunim me Diasporën 2018/2023, si një hap i parë drejt një qasjeje sistematike dhe institucionale të Diasporës, si një shtyllë e rëndësishme për zhvillimin e Republikës së Maqedonisë.

Ambasadori Dan Oryan theksoi se Diaspora është partner shumë i rëndësishëm dhe se Izraeli ka përvojë të madhe me Diasporën ku me kënaqësi të veçantë do ti shkëmbejnë përvojat e tyre.