Ministri Çupi në qytetin e Lucernit aktivitetin e tij e zhvilloi me komunitetin e biznesit ku takoi përfaqësuesit e Rrjetit të Biznesmenëve nga Zvicra Qendrore, presidentin z. Florim Useini, një biznesmen i suksesshëm me origjinë nga Republika e Maqedonisë së Veriut.

Ministri Çupi në Bernë realizoi një takim të rëndësishëm me Sekretarën e Migracionit të Konfederatës Zvicërane, znj. Annette Mathur-Weiss.

Në një atmosferë pune shumë konstruktive dhe në një ndikim shumë të rëndësishëm për diasporën e Republikës së Maqedonisë së Veriut u zhvillua ky takim me të cilën u shkëmbyen mendime nga shumë fusha në lidhje me integrimin më të suksesshëm të diasporës sonë në nivel federal, kantonal dhe komunal në Konfederatën Zvicërane.

Ministri Çupi në vizitën e punës në Konfederatën Zvicërane u prit nga ambasadori i Republikës së Maqedonisë së Veriut z. Kenan Ramadani, me të cilin shkëmbyen mendime, sugjerime mënyra për bashkëpunim më të ngushtë në drejtim të ofrimit të shërbimeve më të mira dhe më efikase për diasporën tonë. 

Në ambientet e Ambasadës së RMV-së në Bern ministri Çupi realizoi takim me kryetarin e Qendrës Kulturore NOMART z. Rromir Imami dhe me kryetarin e medias informative në gjuhën shqipe Albinfo.ch në Zvicër, z. Sevdail Tahiri. Në këtë takim u prezantuan aktivitetet kulturore të NOMART dhe punës së medias ALBINFO.