Në Itali, Ministri Çupi,  me kënaqësi të veçantë vizitoi katër Qendra Kulturore Fetare, që me aktivitetet e tyre janë tepër aktive, gjithashtu me programe e tyre të bujshe janë të pranuar dhe të integruar në shoqërinë vendase në komunën e Casaloldos.

Në Pallatin Balbi, në Venedik, ministri Çupi së bashku me delegacionin e Republikës së Maqedonisë së Veriut të kryesuar nga zëvendës kryeministri, z. Bytyqi, realizuan takim me zëvendës Presidenten e Rajonit Veneto, znj. Elisa de Berti. 

Një nga ngjarjet relevante gjatë vizitës së punës në Republikën e Italisë ishte forumi i biznesit për promovimin e Odës Ekonomike Italo-Maqedonase API NORDEST i mbajtur në komunën e Trevisos. Presidenti i këtij asociacioni z. Munir Shemshi, si shembull i një sipërmarrësi të suksesshëm, pjesëtar i diasporës së Republikës së Maqedonisë së Veriut në Itali, i cili u kujdes për organizimin e patëmetë të manifestimit, i cili përveç delegacionit të Republikës së Maqedonisë së Veriut, të kryesuar nga zëvendëskryeministri z. Bytyqi, morën pjesë Kryetari i Trevisos, konsulli i RMV-së në Venecia, kryetarë komunash nga RMV, si dhe zyrtarë të tjerë, biznesmenë dhe pjesëmarrës të tjerë.

Ministri i angazhuar për diasporë, Dr. Xhemail Çupi dhe përfaqësues të tjerë të delegacionit të Republikës së Maqedonisë së Veritu të kryesuar nga z. Fatmir Bytyqi, në ambientet e prefekturës realizuan takim me prefektin e Venecias z. Vittorio Zappalorto.