Gjatë vizitës së punës në Zvicër, ministri Xhemail Çupi realizoi takime intensive me disa Qendra kulturore islame dhe borde xhamish. 

Ministri Çupi atyre u shprehu mirënjohjen e tij dhe të Qeverisë së Republikës së Maqedonisë së Veriut për kontributin e tyre në vendlindje në të gjitha fushat, si në sjelljen e remitancave, si në ndihmat humanitare, po aq edhe për procesin e regjistrimit të diasporës në Zvicër, ku u angazhuan pa u lodhur për një regjistrim të suksesshëm, që rezultoi me mbi 65 mijë qytetarë të RMV-së në Zvicër.

Ministri Çupi gjatë vizitës së punë në Konfederatën Zvicërane në qytetin e Weinfeldit vizitoi fabrikën e përpunimit të mishit dhe produkteve të mishit “Ardival AG”.

Pronari i kompanisë z. Samet Iseini, me origjinë nga Çegrani i njohu drejtpërdrejt me procesin e përpunimit të mishit, plotësisht të automatizuar deri në produktin përfundimtar me makineri moderne që sot përfaqëson një markë serioze që shitet edhe në rrjetin Aldi. 

Gjatë vizitës së diasporës, në qytetin Altendorf ministri Çupi takoi bashkëqytetarët e vetë të organizuar tashmë me “Shoqatën dibrane në Zvicër”. 

Me qenëse në këtë takim u besedua për traditat dhe mbajtjen e vlerave kombëtare, ministri Çupi falënderoj për këtë takim aq të ngrohtë dhe gjithashtu shprehën gatishmëri për bashkëpunim.

Në qytetin e Frauenfeld ministri Çupi realizoi një drekë pune me familjen dhe shoqërinë e biznesmenit dhe filantropin e suksesshëm në Zvicër me prejardhje nga fshati Dobridol i Komunës së Vrapçishtit, z. Ziajdin Tahiri.